Monday, January 28, 2019

10:41 PM

Хайр дүүрэн хагас өсгийтүүд минь



Гутал, хувцасны сонголтыг дандаа ээж мэдээд хийчихдэг байсан чинь өнгөрсөн жилээс ажилд ороод өөрөө гутлаа авч эхлээд л нэг гутланд зарцуулах төсөв өмнөхөөсөө илт багаслаа шд 😂😂 Гэхдээ бүх зардлаа танаж болох ч гутлан дээр бол огтхон ч хямд, чанаргүй хийцтэйг сонгож болохгүй гэж боддоог. Өнөөдөр би блогтоо өөрийнхөө цуглуулж эхлээд буй хоёр миди өсгийтүүдийнхээ тухай бичих гэж байна. Ямар ч байсан дандаа кет өмсдөг байсан хүний хувьд балерина өмсдөг болоод, хагас өсгийтөд дурлаж эхэлсэн явдал чинь их ахиц дэвшил биз дээ :P Одоо Бершкагийн үргэлж ултай сандаль авахаар төлөвлөөд байгаа. За тэр ч яахав кк






Анх энэ цэцэгтэйгээ авчихаад ээжээс их нууж бсан юмаа кк /манай ээж гадаадад байдаг/ мэдчихвэл Зарагийн гуталнууд хөлд эвгүй, чийг татна, чанаргүй гээд үглэж өгнө 😝 за тэгээд л яалт ч үгүй ээж амралтаараа ирээд л би ч нэг өдөр өмсөж гарах болоод л харуулсан чинь "Яахав сэлгээнд байж болох л юм" гээд өнгөрч билээ. Харамсалтай нь өнгөрсөн зун ч өдөр болгон шахуу бороо орсоороон байгаад ганц л өмсөөд шинээр нь далд хийсэн дээ 😒😒 одоо хурдан дулаарахыг хүлээгээд л... Нээрээ над шиг зун өмсөх гэж авсан даашинз эдрээ ганц хоёрхон өмсөөд хадгалсан охид зөндөө л байгаа биз дээ. Цэцэгтэйгээ /анхнаасаа цэцэгтэй гээд сурчихсан юм, уг нь тэр зүүн талын хоншоор дээр ирвэс ч юм уу нэг амьтан байгааз, гэхдээ нээрээ цэцгтэй юмаа, доошлуулаад бусад зургийг нь үзээрэй хэхэ/ Энийг өнгөрсөн хаврын хямдралаар билүү дээ монгол үнийг нь мартчихаж ээ (доорх зургаас хараарай) авч байсан санагдаж байна.



Брэндүүд уул нь хямдралыг бол янзын зарладаг тээ. Болж өгвөл сайтаас нь захиалвал амар байдаг шүү. За яг энэ загварыг Шопахолик, 0420 хоёроос судалж байх үедээ скриншот хийж хадгалсан зургаа доод хэсэгт оруулъя:





Мэдээж хямдхан байсан тул 0420 zahial.mn-ээр үйлчлүүлсэн.Үйлчилгээний төлбөрийг шилжүүлсэн баримтаа сүүлийн зургаар харуулж байна. Шопахолик бол англи, америкаас оруулж ирдэг гэдгээрээ арай үнэтэй байгаа байх, гэхдээ хүмүүсийн ярьж байгаагаар бол нэг брэнд ч гэсэн европ, америкаас ирж байгаа нь илүү чанартай байдаг гэж сонссон. Үйлчилгээний хувьд тухайн үед Наадам таараад жаахан удаж ирсэн ч ажилчдын харилцаа давгүй, бас нэг их гоё биш л дээ гэхдээ боломжийн санагдсан. Яахав санал болгохын хувьд бол I will recommend! Гэвч нэг зүйл маш сэжигтэй байсан нь дэлгүүрээс гутал авахад өрөөсөн нь ярликтэй ирдэг бол энэ туфли маань хоёулаа бүчтэй ирсэн :Р сүүлийн үед гадаадад дэлгүүрүүдээс очиж хулгай хийгээд явуулдаг мрнгол онлайн дэлгүүр ажиллуулдаг нэртэй хүмүүс олшроод байгаа тухай саяхан аялаж ирсэн ахаасаа нэг сонссон юм. Тэгээд л жаахан эвгүй санагдсан ч хаашдаа би мөнгөө төлснөөс хойш дүүрч гээд л өнгөрсөн дөө 😝😝


Бүч нь тод харагдаж байгаа биз. За энэ доор хэсэгт би дэлгүүрийн зураг болон бодит зургаа хийе:

 


 

За ийм байна. Хоёр гутлынхаа хоёулангийнх нь өмссөн зургийг энэ доор орууллаа. Одоохондоо гоё өмсөж гарч мараагүй болохоор ийм л зурагтай байна даа, хурдан тэр жинхэнэ хавар, зун нь болоосой билээ. Өнгөрсөн 7-р сараас хойш бороотой хавар, салхитай хавар, цастай хавар, утаатай хавар, шороотой хаврыг туулж ирээд байж байна даа. Тийм биз дээ? Зара размер яг таг таарсан, харин лакандуу материалтай гутал өмсөхөд нэг тийм жаахан хатуу байдаг даа. Цаг агаар гоё болвол, их өмсөөд аяндаа зөөлрөх болов уу гэж хүлээж сууна даа.


Могойн принттэй нь Мангогийнх байгаамаа 😘😘 энийг би авах гэж бөөн юм болсон. Яг онлайн дэлгүүр хэсч байгаад олж харангуутаа "За, чи минийх" гээд товлочихсон байж байтал дэлхийн өнцөг булан бүрээс маш олон бүсгүйчүүд надтай адил бодсон юм шиг л их хурдан дууссан даа хөөрхий. Дууссан ч гэсэн би нь байн байн орж үзээстэй хэвээрээ. Нөгөөх маань ирээд л дуусаад л хэд дахиж байтал Хятадын тмалл 12.12 гэж айхтар хямдрал болоод, би ч тэр тмалл сайтынх нь учрыг олохгүй 2 3 хонож байтал бүх размер нь дуусчихдаг байгаа. Эээ хөх тэнгэр мину. За тэгэж байтал хямдрал нь дуусаад л удалгүй Блэк Фрадэй боллоо. Ахиад л захиалах гээд цалингаа хүлээж байтал 39 нь ч дуусчих юм. За би ч англи/америк/герман бүх дэлгүзрээс нь хараастай. Хаанаас захивал хямдхан байна нтр. Зара.г хятадаас захиалвал хямд, мангоог германаас захиалвал хямд юм билээ. Хятадаас арай үнэтэй ирж таарах гээд байсан шүү. Чанар нь ч ялгаатай байх гэхдээ тухайн орондоо үйлдвэрлэж байгаа эсэх нтр гээд олон зүйл нөлөөлдөг биз. За тэр ч яахав. Гол нь дууссан ч гэсэн дэлгүүр дээр нь удахгүй ирнэ гээд байгаа байхгүй юу. Тэр дэлгүүрийн зургийг нь хар л даа сайхан амьтан байгааздээ ЭНЭЧДОО


Тэгээд би чинь ээжтэйгээ нэгэн нартай өдөр ярьж байгаад л "Энийг дээрээс хойш авах гээд чадахгүй байна 😭😭 хямдраад дуусчаад байна" гээд л линкийг нь явуулсан чинь "Хямдхан л юм байна шд. Юуг нь хүлээдийн шууд авку юу (яахав сэлгээнд эөгөө эрээнтэйгээ өмсвөл хөөрхөн л юм байна)" гэсэн тодотголтой хариулт ирж байна. Үндсэн үнэ нь 50 евро байлуу даа Хар Баасан гарагт лав бүх бараа нь 20% хямдарсныг нь санаж байна. Зайлуул амьдралд хөл тавьж эхэлж байгаа надад 20% чинь чухал байлгүй дээ. Тэгээд л ээжид хэлснийх санаа амраад ямар ч дэлгүүр, хувь хүнд нэмэлт үнэ төлөлгүйгээр 39 размер ирмэгц захиалах боломж маань нээгдсэн юм. Бас бөөн юм болсоон. Ээж амазоноос нэг юм худалдаж авсан байснаа буцаагаад, төлбөр нь пэйпал.руу нь орох байсан юм билээ. Манай ээж пэйпал нэг их ашиглаж мэддэггүй. Тухайн үедээ ээжид "39 раз ирсэн байна шүү" гэж сануулснаас 2 хоногийн дараа надад хэлж байгаан:

- "Ээж нь гутлыг чинь /захиалцан гэхжийн гэж бодтол/ захиалсангүй шүү." гэж авдын. ОМГ тээ 😱😱😱
- Ээжээ наадах чинь ирээд дуусчаад байгаа шдээ
- Харин ээж нь нөгөө амазоны буцаалтаас орж ирэх мөнгөө хүлээгээд байна. Орж ирэхээр нь авчий зао. Тэгэхгүй бол тэр пэйпалыг чинь өөрөөр ашиглаж мэдэхгүй шд
-За зааазаа яахав тэг2 гээд л байж байтал (бас ч гэж би чинь сайн охин шүү, олон юм ярихгүй томоотой хүлээнэ), 2 хоногийн дараа:
- Амазоны буцаан олголт орж ирээд... гээд л мөнгөтэй болсон хүн шиг их додигор ярьж байна.
- "Аан за" гээд би ч гуталтай болох гэж байгаа хүн шиг бас додигор сууж байтал
- Гутлыг чинь захиалах гэсэн дуусчихаж гэнэ :Р гоё уу хаха гэхдээ ахиад л размер захиалах боломжтой болвол мэдэгдэнэ гэдэг хэсэгт нь мэйлээ бичиж үлдээгээд л мэдэгдсэн даруйд нь захиалж авсан даа. Энийг захиалах үед 39 размер л зөвхөн байсан нь намайг худалдаж авахад дуусч бүр мөсөн хаагдах шиг болсон доо. Ээжид хүргэлт нь жаахан удаан санагдсан гэсэн, гэхдээ ирсэн даруйд нь зургийг нь надруу явуулаад Испаниас шиппинг хийгдсэн учраас удсан байна гээд харуулж билээ. За ямар ч байсан ээжид би 150.000 төгрөг өгснийх 50 еврогоор авсан гэж бодож байна, мартчихаж.


Өвөө замаа мэддэг шиг, ээж гутлыг маш сайн мэднэ ээ. Цаадах чинь тэгэж байна:

- Испани гуталнууд сайн л даа, гэхдээ энэ Манго гэхэд их сайн гутал байна. Мэдсэн бол өөртөө 37 авдаг байж
- 37 бас нэлээд удаан байсан шд, анх л намайг харуулж байхад авах байж дээ
- Гэхдээ өөр размер нь бас муу хийгдэж магадгүй, яршиг2 гэж үү :Р энэ ээжүүдийг дээ хэхэ <3
Нэмж хэлэхэд энэ загварыг гэрийнхэн авч хэлэлцэхгүй байна. Гэхдээ зүгээр ээ ямар ах өмсөх биш тийм биз дээ? Энэ маань нээрээ өмсгөл жаахан томтой ирсэн, надад 38,5 яг таарах юм шиг санагдсан. Хоншоорны хэлбэрээс шалтгаалж байж болох ч зун хөл хөөгөөд яг таарах болов уу л гэж бодож байна. За тэгээд хэзээ нэгэн цагт Босс эдрийн гоё өсгийтүүдээс өмсөж гүйгээд л сэтгэгдлээ бичээд сууж байх өдөр удахгүй ирнэ гэж боддоог хэхэ. Ингээд постын төгсгөл хэсэгт харьцуулсан зургаа орууллаа. Хоёулаа маш гоё эвтэйхэн, сая өрөөсөн хөлөндөө нэг нэгээр нь углаж үзээд энүүгээр жаал алхлаа хихи.





Аан нээрээ, нөгөө дээр дурдаад өнгөрсөн сандааль байна :Р Загвар нь хоцрогдож байгаа ч өмсөхөд эвтэйхэн, бас энгийн загвартай санагдаад авчихлаа. Зун болохоор бас хайж дэлгүүр хэсч явж байснаас хямдхан таарсан дээр нь захиалчихсан. Тэгэж байгаад ийм зузаан ултай гуталнуудынхаа талаар бас бичдэг юм билүү хэхэ







Monday, January 21, 2019

1:50 PM

Урлаж эхэлсэн өдөр

Хэдийгээр энэ тийм ч сайхан түүх байгаагүй ч яг л бусад хайрын түүх шиг эхлэхдээ аз жаргал дүүрэн байсан юм. Хүнийг хайрлахдаа хэмжээ дамжаатай хандах нь их чухал гэдгийг хожмоо ойлгосон тэр л учралаас өнөөдрийн бүхнийг эхэлж билээ.  Одоогоор хараахан амжилтад хүрээгүй ч зүгээр л эхлүүлснээ эргээд харахад маш их эрч хүч авч, найз нөхдийнхөө урмын үгсээр, хөөрхөн бүсгүйчүүдийнхээ талархлын үгсээр цаашид улам илүүг хийж бүтээх мотивац авдаг. Урлах гэдэг нь миний хувьд чөлөөт цаг байгаад зогсохгүй, бүхий л талаараа надад үлгэр жишээ болж байсан хайртай хүнийхээ дэргэд өөрийнхөө сайн талыг нээж харах гарц болж өгсөн билээ. Одоо бол амьдралын минь салшгүй нэг хэсэг "урлах" бас "бичих" юм.


Гэнэн залуу явахдаа азаар фэйсбүүк хуудас нээж дээ. Одоо бол икоммерс хөгжиж, тэр хэдэн жилийн өмнөхийг бодвол зүгээр л хиймээр санагдсан зүйлээ хийж таалагдсаныхаа зургийг авч оруулдаг байсан бол одоо илүү нарийн төлөвлөгөө шаардагдаж байна. Шинэ хамтрагчтай ч болж энэ жил хийх загваруудаа бид аль хэдийнэ ярилцсан байгаа. Блогтоо ч төлөвлөгөөнийхөө дагуу өмнөхөөсөө их цаг зарцуулна гэж бодож байна.



Туулсан цаг хугацаанаас бидэнд дурсамж л үлдэнэ. Өдөр хоног хэдий удаан ч гэлээ эргээд харахад сар жилүүд их хурдан өнгөрсөн байдаг. Өнгөрч буй хором мөч бүр киноны дүрс бичлэг шиг тодхон хадгалагддаг байсан бол тэдгээр цаг хугацаа юутай удаан санагдахсан. Гагцхүү үлдсэн дурсамж л биднийг зөвхөн дурсамж гэдэг цаг хугацааг туулж өнгөрүүлсэн мэт товчхон сэтгэгдэлтэй үлдээдэг ажээ.


Зургийн цомгоо эргүүлж суухад хийсэн хэдэн гоёл минь, надад урлаж суусан тухайн цаг үеийн сэтгэгдлийг өгүүлж, амьдралаа хийж бүтээснээрээ хэмждэг урсгалд өөрийн эрхгүй шидэгдсэн бололтой.

Цаг хугацаа өнгөрөх тусам зам зуурын хүмүүс зайгаа барьж, дэргэд үлдсэн хүмүүсийн үнэ цэнийг улам илүү мэдэрсээр. Уурлаж гомдохын алинд ч би урлаж сууна, урамшиж цөхрөхийн хэдийд ч би урласаар л суудаг. Зүйрмэглэн хэвтэхдээ бодсон санаагаа зургийн дэвтэртээ ноороглон буулгаж сэвэлзүүр салхины зөөлөн илбээнд сэтгэлээ төмөр утастайгаа хамт зангидаж, нулимсаа болор шүртэйгээ хамт сүвлэхдээ нууцхан итгэлээрээ бөхөлж дуусгадаг. Тэдний маань хэсэг бүрт нь хайр шингэж, болор чулууны талст бүрээс сэтгэл минь цацарч байдаг, тийм л бяцхан ид шидээр үзэсгэлэнт бүсгүйчүүдээ гоёх дуртай билээ.

Saturday, August 11, 2018

8:00 PM

Эв эрүүл жигнэмэгний жор


Эв эрүүл бүр цоо эрүүл жигнэмэг хийлээ. Нэлээн хэдэн өдөр дараалж халуун ногоотой хоолоор дагнасны үр дүнд нойр булчирхай өвдөж 2 өдөр хэртэй орноосоо боссонгүй. Энэ нөхөр чинь өвдөхлээр болсон болоогүй бүх хоол хүнсийг хорьчихдог юм байна.  Хэсэг хөнгөн шингэн, улцайсан хоол идсэний дараа хуурай юм идмээр санагдаад удаах өдөр нь овоо тэнхэрч дэлгүүрээс бүхэл үрийн боов авч идьюү гээд боссоноо ер нь гэртээ байгаа зүйлсийг нийлүүлээд боов жигнэмэгний юм сэтгэх болов. Би ч уг нь их эрүүл хооллохыг хичээдэг тул аз болж хүссэн зүйлээ хийх хангалттай зүйлс галтогоонд минь байлаа шүү. Гарах шаардлагагүй болоодохсон, бөөн баяр. 
Өө нээрээ, би нь хоол хийх дуртай л болохоос арвин их туршлага байхгүй тул диховноосоо боов эсвэл жигнэмэгийн аль нь гарч ирэхийг мэдэхгүй байсан бөгөөд интернетээс жигнэмэгний хэдэн жор харсны үр дүнд зарим орцыг нь нэмж өөрчлөөд хийсэн тэгэхээр жигнэмэг гэх нь мөн байх хахах бас дүү нарынхаа булаацалдах нь холгүй идээд дуусахыг харах их таатай байдаг шүү <3
За ингээд жигнэмэгтээ юу юу хийснээ жагсаая: 
  • 100 гр овьёосны зутан \зургийг нь доор оруулчихъя\
  • 100 гр маргарин \маргарин муу гэдгийг нь мэддэг ч тэр үед цөцгийн тосыг орлуулж болох зүйл хөргөгчид байсан нь тэр л байлаа\
  • 100 гр оливын тос \байсан маргарин маань бас 100 гр-аас илүүгүй байсан тул тослог нь багадах юм шиг санагдаад хэхэх\
  • 2 ш өндөг
  • 1 халбага дрожж
  • 100 гр бүхэл үрийн гурил
  • 50 гр кокосын үйрмэг
  • 100 гр бор элсэн чихэр \манайх цагаан элсэн чихэрнээс татгалзаад байгаа, зарим хүмүүс бол ялгаагүй гэдэг л юм билээ\




 За энэ нөгөө овьёосны зутан чинь байна, би абсолютэд анх харж байсан болохоор тэндээс л байнга авдаг, энэ савлагаатай нь 2400 орчим үнээр зарагддаг байх аа, ойрд аваагүй болохоор санахгүй байна өө. Бас яг энэ уулын жимс, нэрс, гүзээлзгэнэтэйг нь байнга авах дуртай. Яарсан үед үнэнч өглөөний унд минь байж чаддаг шүү хэхэх
Хийхэд маш амархөөн, бүх орцоо хольж хутгаад л болоо. Би шингэнүүдээ нийлүүлж хутгаж байгаад хуурай орцоо бага багаар хийж зөөлөн хутгаад өтгөн шингэн нь таарсан сайхан зуурмаг болсон. Мөн орцыг нь хүссэнээрээ сольж болно, цагаан гурил, цагаан сахар гээд гэртээ байгаа гарын доорх зүйлсээрээ. Шоколадны үйрмэг, үзэм энэ тэр гээд өөр зүйлсээр орлуулж болох бөгөөд энэ зураг дээр уйтгартай харагдаж байж магадгүй ч амтны хувьд овьёосны орцонд байгаа жимснүүд болон кокос аль аль нь амтагдсан сайхан зөөлөн жигнэмэг болсон.

Шарах шүүгээгээ 175 градуст халаагаад листэн дээрээ цаасаа дэвсээд, хэрэв зуурмаг нь шингэвтэр болсон бол зуухан дотор болох явцдаа урсана гэж тооцоод бага зэрэг овойлгож хэвлээрэй ккк минийх яг анхны хэлбэрээрээ л гарч ирсэн ;) Аан тийм гол юмаа мартах гэж байна ш дээ, 15-20 минут жигнэнэ шүү хэхэ. 

Зураг дээр 15 минут болсны дараах байдал харагдаж байгаа бөгөөд хаашдаа л өвдчихсөн хүн чинь за тэр түүхий гурил энэ тэр нь болсон л бол заавал өнгийг нь өөрчлөгдөхийг хүлээгээд яахав гээд л шарах шүүгээгээ унтраагаад 3 минут байлгаад гаргасан даа :)

 
цин црийннн :* 



Sunday, April 1, 2018

12:32 AM

Zlo's Nail Art- Гелин будалт хийлгэснээс 1.5 сарын дараах сэтгэгдэл



Урьд нь хүмүүсээс сонсоод байх нь ээ, хиймэл хумс, гелин будалтууд ер нь хумсыг гэмтээдэг л гэх нь илүүтэй дуулддаг байлаа. Охид маань гелин будалтыг удаан тогтдог учраас сонгоод байх шиг санагддаг  Харин надад бол нэг хумстайгаа удаан байна гэдэг жаахан уйтгартай санагддаг юм. Тэгээд ч ойр ойрхон өөрөө янз бүр болгоод будчихдаг, яг л хөмсгөө шивүүлснээс өглөө болгон өөр хэлбэрээр биш юм аа гэхэд ядаж өөр өнгөөр будахыг эрмэлздэг шиг ээ л хумсандаа анхаарал хандуулдаг.

Цагаан сараас 7 хоногийн өмнө хэртэй манай найз надруу Zlo's Nail Art-ын хямдрал зарласан урамшууллын сс-ийг илгээн санал болгож, би ч нэг сонирхож үздэг юм уу гэж бодож байсанчлан Сар шинээр ч гоё хумстай байя гэж бодож байснаа санан хамтдаа хумсаа будуулахаар болсон юм. Тухайн үед энгийн гелин будалт 50% хямдарч 10.000 болсон байсан бөгөөд бусад үед үндсэн үнэ нь 20,000 байдаг байх гэж бодоод өнгөрлөө.




Зиа тэгээд бидэн хоёр өөрсдийн зав зайгаа тохируулаад 02 сарын 10ны хагассайнд өглөө хамгийн эхэнд цаг авахаар таарч, пост дээр буй дугаар луу өмнөх өдөр нь залгахад цаг ч чөлөөтэй байж ашгүй азны юм боллоо.

Би зурж будах, шинэ сонин юм туршиж үзэх сонирхолтойн үндсэн дээр бас гелин будаг хатаагч гэрэл эдр авч байсан ч хэрэглэх боломж гаралгүй байсаар буцаагаад зарчихсан юм. Жилийн өмнө гелин хумс хийж ч сурсан бөгөөд нэг жижиг салонд 2, 3 өдөр сууж үзсэн, бас зарим будалтуудыг хэрхэн хийх талаар өөрийн зургийн техник болон юүтүб их багшаас хумсны будалтын бичлэг нэлээд хэд үзсэний үндсэн дээр жаахан сурчихсан байлаа. За тэр ч яахав.

Байршил: Бид хоёр яг товлосон цагтаа Злос нэйл арт дээр ирлээ. Хаягийн хувьд Оросын элчингийн баруун талд байдаг бөгөөд бид хоёр 1-р сургуульд 10 жил суралцаж төгссөн учраас төөрч тойролгүй олоод очсон. Угаасаа өөр хүн очсон ч асуудалгүй олох юм билээ. Зам дагуу учраас байрлал нь яриангүй амар өө.

Үнэ: Тухайн үедээ хямдарсан үнээр 10,000-аар будуулсан нь нэлээд хямд санагдсан. Мөн найзын маань надад санал болгосон шалтгаан нь чанартай гель байсан юм. Чанартай гелийг 10-аар будуулна гэдэг бол бас л давгүй боломж ш дээ. Ашгүй надад бэлэн 10 байгаа юм байна АТМ орох шаардлагагүй боллоо "амар" гэж бодов.

Чанар: Өөө чанар манар яриангүй юм байна. Уг хэсгээрээ бага зэрэг хөндийрч, эмтэрч арилсан. Ягаан хэсэг нь багассан байгааг харсан байх. Гэхдээ гелин лакны тогтоц бас хүн хүнээсээ, хумсны зузаан нимгэнээс их шалтгаалдаг санагдсан. Энэ тал дээр мэддэгүүд нь надад комментоор тайлбар өгөөдхөөрэй бас.


Харилцаа: Ямар ч мэндлэл байгаагүй, би ганцаараа сайн байнуутайгаа л суусаар байгаад гарсан шд. Угийн дуу багатай артистууд болов уу гэж бодсон л доо гэхдээ инээмсэглэл ч үгүй юм билээ.

Бид 2 цагаа авахдаа өдөр нь тус тусдаа нэлээд шахуу ажилтай байсан учраас энгийн будалт хамгийн хурдандаа 30 минут болдог тул дараалж будуулаад 9-өөс эхлээд 10 гэхэд дуусгаж өөр өөрсдийн ажлаа хөөхөөр төлөвлөгдсөн хэдий ч намайг 8:55д очиход хаалга нь цоожтой байсан. Залгах гээд зогсож байх үед 1 артист нь ганцаараа байсан бөгөөд гарч ирж хаалгаа онгойлгож өгсөн. Өглөөгүүр ганцаараа байхад хэн ч ороод ирэх юм билээ бас зөв шүү. Найз маань 5-10 минутын зайтай ирээд ахиад л гадаа хүлээлээ. Би очсон ч онгойлгож чадах биш :Р түлхүүрээр түгждэг байсан. За гол үе шатруугаа оръё.

Ороод сууж байтал нөгөө артист нь ирж байгаа тиймээс зэрэг будуулах боломжтой гэхэд нь тун ч их баярласан боловч артист тус бүр өөр өнгөний сонголттой гэв. Миний сонирхсон өнгө манай найзын будуулж байсан эмэгтэйн будагнууд дундаас таалагдаад байв. Би бүр нөгөө артистыг нь ирэхээс өмнө гоё өнгөө сонгочихсон байсан юм чинь. За тэгээд л таалсан таалаагүй цаг хэмнээд будуулж орхиё гээд л нөгөө бүсгүйгээ ирэхэд нь суучихлаа. Бас л мэндэлсэнгүй. Эсвэл тэр артистууд нь бүгд сэтгэл санаагаар унацан байсан ч юм уу за хэнд хамаа байх вэээ. Энэ доор байгаа зураг миний будуулъя гэж дээрээс хойш харж, хадгалж явсан загвар бөгөөд бичиг хэргийн ажилтай хүнд ийм будалт яг тохирно гэж бодож бүр шийдсэн ч байсан билээ. Зургаа үзүүлээд гэхдээ энэ хүрэн шиг өнгөөр бүх хумсаа будуулахаар болж ажиллагаа эхлэв.

Гелин будалтын үнэ 10 болж хямдарсан бөгөөд яарч байгаа тул хумсны маханд нэг их цаг зарцуулсангүй. Тэр нь ч болсон юм би угийн тэр мах гэдгийг нь авахгүй түлхчихээд байдаг л даа. За би тэгээд нөгөө хэдэн өнгөнөөс нь харж харж арай гэж зураг дээрхтэйгээ төстэй нэг хүрэндүү өнгө сонгоод будаж эхэллээ. Уусгалттай тул сууринд нь заавал нэг бэйж өнгө тавия л гэлээ. Би ч шууд өнгөгүй гельрүүгээ уусгачих санаатай байсан ч артистын зөвлөгөөг даган бэйж ягаанаар суурь тавиулж, тэр нь ч сэтгэлд маань их таалагдав. Гелин уусгалттай будалтыг юүтүбээс үзэхэд хоёр өнгөө зэрэг тавиад уусгачихаад л нэг мөр гэрлэндээ хийгээд хатаачихдаг шд. Би тэгэж будаж өөрөө үзээгүй л дээ гэхдээ цаасан дээр усан будгаар тэгэж будаж бол болдог л биз дээ хаха. Өө гэтэл уусгалт хийнэ гээд л нөгөө муу хүрэн гелиэ порлонд уусгаад энгийн лак шиг хумсыг маань товшчихоод гэрлэндээ хий гэж байна. Харсан чинь бараг нэг чүд чүд шар өнгө харагдаж байгаа юм уу даа. За давхарлахаар нь тодрох байх гэж найдаад хүлээгээд л байлаа. 3 давхарлахад жаахан улбар туяа орж байх юм. За ахиад ганц давхарлахад энэ сэмпл дээрх шигээ хүрэн өнгө нь гоё гарч ирэх байх гэж бат итгэсээр суулаа би. 4дэхээ давхарлаж байхад нь тэсэлгүй асуулаа. Хэд давхарлаж байж энэ өнгө нь гарч ирэх вэ гэтэл ер нь уусгаж байхад хэзээ ч ийм болохгүй дээ гэж авах юм. Юуууу? энэ өнгөөрөө л гардаг биз дээ гель чинь ОМГ. Ядаж байхад тэр нь олон давхарлаад сүүлдээ ууссан биш зүгээр тал нь шар харагдаад байгаа юм чинь. Гэхдээ уусгаад лакны өнгө бүдэг харагддаг байлаа ч гэсэн яаж хүрэн өнгө нь улбар шар харагдаж болох юм бэ? Ядаж байхад улбар шар л биш шүү. Би төрснөөсөө хойш л улбар шараас бусад өнгөнд дуртай байсан хүн шүү дээ. 5 дахиа давхарлахад аль хэдийнэ цаг 10 өнгөрчихсөн, би тэсэхгүй хэлэв: "Зүгээр багсаараа хумсны үзүүрт нь гелиэ тавьчих, тэгээд хойш нь чирээд уусгачих тэхүү" ч гэх шиг. Би өөрөө гуйгаад байгаа юм уу, заагаад байгаа ч юм уу лол. Манай найзын хумсыг будсан эмэгтэй цаанаас нь: Нэг хүн дээр ямар аймар уддаг юм бэ? гэх инээмсэглэл тодруулдаггүй царайгаараа зандрангуй дуутай хэлэв. Манай найз уу? намайг 2 билүү 3дахиа давхарлуулж байхад будуулж дуусаад 10 цагаас ажилтай байсан тэрэнрүүгээ гараад явчихсан байлаа. Би ч арай гэж нэг юм багсаар уусгуулаад л дурамжхан бослоо. Бас улбар шар хумсыг тэсэлгүй дээр нь нэг юм наалгуулж арай гэж санаагаа амраалаа. Энэ шар гонзгой нөхрийг байхгүйгээр улбар хумс гэж төсөөлөхөд бэрх үү? Бэрх биз дээ хаха. Аргуу  ш дээ.

























(Яана аа, цаана нь гэр орон аймар дэлбэрцн байж шүү :Р)

За арай гэж дуусаад баярлалаа гэж хэлээд түрийвчинд бэлэн байсан 10-аа өгөх гэтэл "Уусгалттай будалт 15" гэссс. Өөөө анхнаасаа ганц л үйлдлээр уусгаж 30 минутад дуусч болох байсан юмыг өөрийнхөө ур чадваргүйгээс болж бараг 2 цаг шахуу зууралдчихаад юу ярьдын бэ. Заза өгье гэтэл угаасаа надад илүү 5 ч байгаагүй ш дээ нээрээ. За би өдөр интернет орохоороо шилжүүлье гээд дансыг нь аваад дараагийн ажил руугаа гарч гүйв.

Хөндлөнгийн сэтгэгдэл: Тэр бүр хүмүүсийн будуулаад байдаг өнгө биш тул тод гоё санагдсан бололтой. Анх харсан хүн бүр л ямар гоё хумстай юм бэ? Гэхдээ миний хувцаснууд дунд хар, хөх, цагаан, саарал өнгө зонхилдог учраас хумс маань гоё зохицоод л байсан. Улбар шар ноосон хантааз байдаг, тэрэнтэйгээ нэг хоёр өдөр хослуулж бас гангараад амжсан. Аан бас цагаан сараар өмсөхөөр авсан Бэрс брэндийн хөх цамц маань улбар канттай, тэрэнтэй нь лаг хослоод байгаа юм аа :Р Даан ч бас зураг алга өө хэхэхэ

Гель нь чанартай байсных ч юм уу, уусгах гээд учиргүй олон давхарласных уу мэдэхгүй, маш бат бөх бололтой. Одоо хүртэл байж л байна хаха хэхэ :Р




















Ахиж уулзсан хүмүүс хараад: Пэээх одоо хүртэл байсаар байгаа юм уу? Ингэж байгаад байдаг бол будуулаад баймаар юм биш үү? гэсээр л байна даа. Энэ хоёр эрхий хуруун дээр жаахан эмтэрчихсэн. Нэг нь гадны нөлөөтэй, нөгөөг нь би анзаараагүй.

Будуулснаас 6 орчим хоногийн дараа буюу Битүүний өдөр нэг иймэрхүү.


Одоо ч бүр хумсандаа дасч байна дөө. Гэхдээл улбар шар л бол улбар шар шүү дээ хаха уусгахаар өнгө нь бүдэг байх уу? гэдэг асуултыг байнга асууж байх хэрэгтэй юм билээ шүү. Энэ зүүн гарын шар шигтгээ нь жаахан харлачихсан. Баруун гарынх зүгээр байгөө.
Арилгаж үзээгүй хэрнээ хумс маань нээх гэмтсэн юм шиг санагдахгүй л байна. Би хувьдаа энгийн будалтууд хийлгэх гэж байгаа бол энэ газрыг зорьж очоорой гэж зөвлөх байна. Ингээд доорх зурагт найз бид хоёрын хоорондоо ярилцсан хэсгийг дүгнэлт болгож харуулж байна аа.

Туршаад үзэх маникюристуудыг санал болгож болно шүү хөөрхнүүдээ. Ирэх амралтын өдрүүдээр энийг арилгуулаад хумсаа гоё болгохоор төлөвлөж байна аа :D

Амттай блогийн тухай

<зөвхөн "АМТТАЙ" нийтлэлүүд>

Аялал, зугаалга
Гадаад хэл
Гоёл чимэглэл
Гоо сайхан
Гар урлал
Нүүр будалт
Загвар
Амттан
Чөлөөт цаг

Мэйл хаягаа бүртгүүлээрэй