Jammy

Monday, January 21, 2019

Mören 1:50 PM

Урлаж эхэлсэн өдөр

Хэдийгээр энэ тийм ч сайхан түүх байгаагүй ч яг л бусад хайрын түүх шиг эхлэхдээ аз жаргал дүүрэн байсан юм. Хүнийг хайрлахдаа хэмжээ дамжаатай хандах нь их чухал гэдгийг хожмоо ойлгосон тэр л учралаас өнөөдрийн бүхнийг эхэлж билээ. Одоогоор хараахан амжилтад хүрээгүй ч зүгээр л эхлүүлснээ эргээд харахад маш их эрч хүч авч, найз нөхдийнхөө урмын үгсээр, хөөрхөн бүсгүйчүүдийнхээ талархлын үгсээр цаашид улам илүүг хийж бүтээх мотивац авдаг. Урлах гэдэг нь миний хувьд чөлөөт цаг байгаад зогсохгүй, бүхий л талаараа надад үлгэр жишээ болж байсан хайртай хүнийхээ дэргэд өөрийнхөө сайн талыг нээж харах гарц болж өгсөн билээ. Одоо бол амьдралын минь салшгүй нэг хэсэг "урлах" бас "бичих" юм.

Гэнэн залуу явахдаа азаар фэйсбүүк хуудас нээж дээ. Одоо бол икоммерс хөгжиж, тэр хэдэн жилийн өмнөхийг бодвол зүгээр л хиймээр санагдсан зүйлээ хийж таалагдсаныхаа зургийг авч оруулдаг байсан бол одоо илүү нарийн төлөвлөгөө шаардагдаж байна. Шинэ хамтрагчтай ч болж энэ жил хийх загваруудаа бид аль хэдийнэ ярилцсан байгаа. Блогтоо ч төлөвлөгөөнийхөө дагуу өмнөхөөсөө их цаг зарцуулна гэж бодож байна.

Туулсан цаг хугацаанаас бидэнд дурсамж л үлдэнэ. Өдөр хоног хэдий удаан ч гэлээ эргээд харахад сар жилүүд их хурдан өнгөрсөн байдаг. Өнгөрч буй хором мөч бүр киноны дүрс бичлэг шиг тодхон хадгалагддаг байсан бол тэдгээр цаг хугацаа юутай удаан санагдахсан. Гагцхүү үлдсэн дурсамж л биднийг зөвхөн дурсамж гэдэг цаг хугацааг туулж өнгөрүүлсэн мэт товчхон сэтгэгдэлтэй үлдээдэг ажээ.

Зургийн цомгоо эргүүлж суухад хийсэн хэдэн гоёл минь, надад урлаж суусан тухайн цаг үеийн сэтгэгдлийг өгүүлж, амьдралаа хийж бүтээснээрээ хэмждэг урсгалд өөрийн эрхгүй шидэгдсэн бололтой.

Цаг хугацаа өнгөрөх тусам зам зуурын хүмүүс зайгаа барьж, дэргэд үлдсэн хүмүүсийн үнэ цэнийг улам илүү мэдэрсээр. Уурлаж гомдохын алинд ч би урлаж сууна, урамшиж цөхрөхийн хэдийд ч би урласаар л суудаг. Зүйрмэглэн хэвтэхдээ бодсон санаагаа зургийн дэвтэртээ ноороглон буулгаж сэвэлзүүр салхины зөөлөн илбээнд сэтгэлээ төмөр утастайгаа хамт зангидаж, нулимсаа болор шүртэйгээ хамт сүвлэхдээ нууцхан итгэлээрээ бөхөлж дуусгадаг. Тэдний маань хэсэг бүрт нь хайр шингэж, болор чулууны талст бүрээс сэтгэл минь цацарч байдаг, тийм л бяцхан ид шидээр үзэсгэлэнт бүсгүйчүүдээ гоёх дуртай билээ.

Saturday, August 11, 2018

Mören 8:00 PM

Эв эрүүл жигнэмэгний жор

Эв эрүүл бүр цоо эрүүл жигнэмэг хийлээ. Нэлээн хэдэн өдөр дараалж халуун ногоотой хоолоор дагнасны үр дүнд нойр булчирхай өвдөж 2 өдөр хэртэй орноосоо боссонгүй. Энэ нөхөр чинь өвдөхлээр болсон болоогүй бүх хоол хүнсийг хорьчихдог юм байна. Хэсэг хөнгөн шингэн, улцайсан хоол идсэний дараа хуурай юм идмээр санагдаад удаах өдөр нь овоо тэнхэрч дэлгүүрээс бүхэл үрийн боов авч идьюү гээд боссоноо ер нь гэртээ байгаа зүйлсийг нийлүүлээд боов жигнэмэгний юм сэтгэх болов. Би ч уг нь их эрүүл хооллохыг хичээдэг тул аз болж хүссэн зүйлээ хийх хангалттай зүйлс галтогоонд минь байлаа шүү. Гарах шаардлагагүй болоодохсон, бөөн баяр.

Өө нээрээ, би нь хоол хийх дуртай л болохоос арвин их туршлага байхгүй тул диховноосоо боов эсвэл жигнэмэгийн аль нь гарч ирэхийг мэдэхгүй байсан бөгөөд интернетээс жигнэмэгний хэдэн жор харсны үр дүнд зарим орцыг нь нэмж өөрчлөөд хийсэн тэгэхээр жигнэмэг гэх нь мөн байх хахах бас дүү нарынхаа булаацалдах нь холгүй идээд дуусахыг харах их таатай байдаг шүү <3

За ингээд жигнэмэгтээ юу юу хийснээ жагсаая:

100 гр овьёосны зутан \зургийг нь доор оруулчихъя\
100 гр маргарин \маргарин муу гэдгийг нь мэддэг ч тэр үед цөцгийн тосыг орлуулж болох зүйл хөргөгчид байсан нь тэр л байлаа\
100 гр оливын тос \байсан маргарин маань бас 100 гр-аас илүүгүй байсан тул тослог нь багадах юм шиг санагдаад хэхэх\
2 ш өндөг
1 халбага дрожж
100 гр бүхэл үрийн гурил
50 гр кокосын үйрмэг
100 гр бор элсэн чихэр \манайх цагаан элсэн чихэрнээс татгалзаад байгаа, зарим хүмүүс бол ялгаагүй гэдэг л юм билээ\

За энэ нөгөө овьёосны зутан чинь байна, би абсолютэд анх харж байсан болохоор тэндээс л байнга авдаг, энэ савлагаатай нь 2400 орчим үнээр зарагддаг байх аа, ойрд аваагүй болохоор санахгүй байна өө. Бас яг энэ уулын жимс, нэрс, гүзээлзгэнэтэйг нь байнга авах дуртай. Яарсан үед үнэнч өглөөний унд минь байж чаддаг шүү хэхэх

Хийхэд маш амархөөн, бүх орцоо хольж хутгаад л болоо. Би шингэнүүдээ нийлүүлж хутгаж байгаад хуурай орцоо бага багаар хийж зөөлөн хутгаад өтгөн шингэн нь таарсан сайхан зуурмаг болсон. Мөн орцыг нь хүссэнээрээ сольж болно, цагаан гурил, цагаан сахар гээд гэртээ байгаа гарын доорх зүйлсээрээ. Шоколадны үйрмэг, үзэм энэ тэр гээд өөр зүйлсээр орлуулж болох бөгөөд энэ зураг дээр уйтгартай харагдаж байж магадгүй ч амтны хувьд овьёосны орцонд байгаа жимснүүд болон кокос аль аль нь амтагдсан сайхан зөөлөн жигнэмэг болсон.

Шарах шүүгээгээ 175 градуст халаагаад листэн дээрээ цаасаа дэвсээд, хэрэв зуурмаг нь шингэвтэр болсон бол зуухан дотор болох явцдаа урсана гэж тооцоод бага зэрэг овойлгож хэвлээрэй ккк минийх яг анхны хэлбэрээрээ л гарч ирсэн ;) Аан тийм гол юмаа мартах гэж байна ш дээ, 15-20 минут жигнэнэ шүү хэхэ.

Зураг дээр 15 минут болсны дараах байдал харагдаж байгаа бөгөөд хаашдаа л өвдчихсөн хүн чинь за тэр түүхий гурил энэ тэр нь болсон л бол заавал өнгийг нь өөрчлөгдөхийг хүлээгээд яахав гээд л шарах шүүгээгээ унтраагаад 3 минут байлгаад гаргасан даа :)

цин црийннн :*

Sunday, April 1, 2018

Mören 12:32 AM

Zlo's Nail Art- Гелин будалт хийлгэснээс 1.5 сарын дараах сэтгэгдэл

Урьд нь хүмүүсээс сонсоод байх нь ээ, хиймэл хумс, гелин будалтууд ер нь хумсыг гэмтээдэг л гэх нь илүүтэй дуулддаг байлаа. Охид маань гелин будалтыг удаан тогтдог учраас сонгоод байх шиг санагддаг Харин надад бол нэг хумстайгаа удаан байна гэдэг жаахан уйтгартай санагддаг юм. Тэгээд ч ойр ойрхон өөрөө янз бүр болгоод будчихдаг, яг л хөмсгөө шивүүлснээс өглөө болгон өөр хэлбэрээр биш юм аа гэхэд ядаж өөр өнгөөр будахыг эрмэлздэг шиг ээ л хумсандаа анхаарал хандуулдаг.

Цагаан сараас 7 хоногийн өмнө хэртэй манай найз надруу Zlo's Nail Art-ын хямдрал зарласан урамшууллын сс-ийг илгээн санал болгож, би ч нэг сонирхож үздэг юм уу гэж бодож байсанчлан Сар шинээр ч гоё хумстай байя гэж бодож байснаа санан хамтдаа хумсаа будуулахаар болсон юм. Тухайн үед энгийн гелин будалт 50% хямдарч 10.000 болсон байсан бөгөөд бусад үед үндсэн үнэ нь 20,000 байдаг байх гэж бодоод өнгөрлөө.

Зиа тэгээд бидэн хоёр өөрсдийн зав зайгаа тохируулаад 02 сарын 10ны хагассайнд өглөө хамгийн эхэнд цаг авахаар таарч, пост дээр буй дугаар луу өмнөх өдөр нь залгахад цаг ч чөлөөтэй байж ашгүй азны юм боллоо.

Би зурж будах, шинэ сонин юм туршиж үзэх сонирхолтойн үндсэн дээр бас гелин будаг хатаагч гэрэл эдр авч байсан ч хэрэглэх боломж гаралгүй байсаар буцаагаад зарчихсан юм. Жилийн өмнө гелин хумс хийж ч сурсан бөгөөд нэг жижиг салонд 2, 3 өдөр сууж үзсэн, бас зарим будалтуудыг хэрхэн хийх талаар өөрийн зургийн техник болон юүтүб их багшаас хумсны будалтын бичлэг нэлээд хэд үзсэний үндсэн дээр жаахан сурчихсан байлаа. За тэр ч яахав.

Байршил: Бид хоёр яг товлосон цагтаа Злос нэйл арт дээр ирлээ. Хаягийн хувьд Оросын элчингийн баруун талд байдаг бөгөөд бид хоёр 1-р сургуульд 10 жил суралцаж төгссөн учраас төөрч тойролгүй олоод очсон. Угаасаа өөр хүн очсон ч асуудалгүй олох юм билээ. Зам дагуу учраас байрлал нь яриангүй амар өө.

Үнэ: Тухайн үедээ хямдарсан үнээр 10,000-аар будуулсан нь нэлээд хямд санагдсан. Мөн найзын маань надад санал болгосон шалтгаан нь чанартай гель байсан юм. Чанартай гелийг 10-аар будуулна гэдэг бол бас л давгүй боломж ш дээ. Ашгүй надад бэлэн 10 байгаа юм байна АТМ орох шаардлагагүй боллоо "амар" гэж бодов.

Чанар: Өөө чанар манар яриангүй юм байна. Уг хэсгээрээ бага зэрэг хөндийрч, эмтэрч арилсан. Ягаан хэсэг нь багассан байгааг харсан байх. Гэхдээ гелин лакны тогтоц бас хүн хүнээсээ, хумсны зузаан нимгэнээс их шалтгаалдаг санагдсан. Энэ тал дээр мэддэгүүд нь надад комментоор тайлбар өгөөдхөөрэй бас.

Харилцаа: Ямар ч мэндлэл байгаагүй, би ганцаараа сайн байнуутайгаа л суусаар байгаад гарсан шд. Угийн дуу багатай артистууд болов уу гэж бодсон л доо гэхдээ инээмсэглэл ч үгүй юм билээ.

Бид 2 цагаа авахдаа өдөр нь тус тусдаа нэлээд шахуу ажилтай байсан учраас энгийн будалт хамгийн хурдандаа 30 минут болдог тул дараалж будуулаад 9-өөс эхлээд 10 гэхэд дуусгаж өөр өөрсдийн ажлаа хөөхөөр төлөвлөгдсөн хэдий ч намайг 8:55д очиход хаалга нь цоожтой байсан. Залгах гээд зогсож байх үед 1 артист нь ганцаараа байсан бөгөөд гарч ирж хаалгаа онгойлгож өгсөн. Өглөөгүүр ганцаараа байхад хэн ч ороод ирэх юм билээ бас зөв шүү. Найз маань 5-10 минутын зайтай ирээд ахиад л гадаа хүлээлээ. Би очсон ч онгойлгож чадах биш :Р түлхүүрээр түгждэг байсан. За гол үе шатруугаа оръё.

Ороод сууж байтал нөгөө артист нь ирж байгаа тиймээс зэрэг будуулах боломжтой гэхэд нь тун ч их баярласан боловч артист тус бүр өөр өнгөний сонголттой гэв. Миний сонирхсон өнгө манай найзын будуулж байсан эмэгтэйн будагнууд дундаас таалагдаад байв. Би бүр нөгөө артистыг нь ирэхээс өмнө гоё өнгөө сонгочихсон байсан юм чинь. За тэгээд л таалсан таалаагүй цаг хэмнээд будуулж орхиё гээд л нөгөө бүсгүйгээ ирэхэд нь суучихлаа. Бас л мэндэлсэнгүй. Эсвэл тэр артистууд нь бүгд сэтгэл санаагаар унацан байсан ч юм уу за хэнд хамаа байх вэээ. Энэ доор байгаа зураг миний будуулъя гэж дээрээс хойш харж, хадгалж явсан загвар бөгөөд бичиг хэргийн ажилтай хүнд ийм будалт яг тохирно гэж бодож бүр шийдсэн ч байсан билээ. Зургаа үзүүлээд гэхдээ энэ хүрэн шиг өнгөөр бүх хумсаа будуулахаар болж ажиллагаа эхлэв.

Гелин будалтын үнэ 10 болж хямдарсан бөгөөд яарч байгаа тул хумсны маханд нэг их цаг зарцуулсангүй. Тэр нь ч болсон юм би угийн тэр мах гэдгийг нь авахгүй түлхчихээд байдаг л даа. За би тэгээд нөгөө хэдэн өнгөнөөс нь харж харж арай гэж зураг дээрхтэйгээ төстэй нэг хүрэндүү өнгө сонгоод будаж эхэллээ. Уусгалттай тул сууринд нь заавал нэг бэйж өнгө тавия л гэлээ. Би ч шууд өнгөгүй гельрүүгээ уусгачих санаатай байсан ч артистын зөвлөгөөг даган бэйж ягаанаар суурь тавиулж, тэр нь ч сэтгэлд маань их таалагдав. Гелин уусгалттай будалтыг юүтүбээс үзэхэд хоёр өнгөө зэрэг тавиад уусгачихаад л нэг мөр гэрлэндээ хийгээд хатаачихдаг шд. Би тэгэж будаж өөрөө үзээгүй л дээ гэхдээ цаасан дээр усан будгаар тэгэж будаж бол болдог л биз дээ хаха. Өө гэтэл уусгалт хийнэ гээд л нөгөө муу хүрэн гелиэ порлонд уусгаад энгийн лак шиг хумсыг маань товшчихоод гэрлэндээ хий гэж байна. Харсан чинь бараг нэг чүд чүд шар өнгө харагдаж байгаа юм уу даа. За давхарлахаар нь тодрох байх гэж найдаад хүлээгээд л байлаа. 3 давхарлахад жаахан улбар туяа орж байх юм. За ахиад ганц давхарлахад энэ сэмпл дээрх шигээ хүрэн өнгө нь гоё гарч ирэх байх гэж бат итгэсээр суулаа би. 4дэхээ давхарлаж байхад нь тэсэлгүй асуулаа. Хэд давхарлаж байж энэ өнгө нь гарч ирэх вэ гэтэл ер нь уусгаж байхад хэзээ ч ийм болохгүй дээ гэж авах юм. Юуууу? энэ өнгөөрөө л гардаг биз дээ гель чинь ОМГ. Ядаж байхад тэр нь олон давхарлаад сүүлдээ ууссан биш зүгээр тал нь шар харагдаад байгаа юм чинь. Гэхдээ уусгаад лакны өнгө бүдэг харагддаг байлаа ч гэсэн яаж хүрэн өнгө нь улбар шар харагдаж болох юм бэ? Ядаж байхад улбар шар л биш шүү. Би төрснөөсөө хойш л улбар шараас бусад өнгөнд дуртай байсан хүн шүү дээ. 5 дахиа давхарлахад аль хэдийнэ цаг 10 өнгөрчихсөн, би тэсэхгүй хэлэв: "Зүгээр багсаараа хумсны үзүүрт нь гелиэ тавьчих, тэгээд хойш нь чирээд уусгачих тэхүү" ч гэх шиг. Би өөрөө гуйгаад байгаа юм уу, заагаад байгаа ч юм уу лол. Манай найзын хумсыг будсан эмэгтэй цаанаас нь: Нэг хүн дээр ямар аймар уддаг юм бэ? гэх инээмсэглэл тодруулдаггүй царайгаараа зандрангуй дуутай хэлэв. Манай найз уу? намайг 2 билүү 3дахиа давхарлуулж байхад будуулж дуусаад 10 цагаас ажилтай байсан тэрэнрүүгээ гараад явчихсан байлаа. Би ч арай гэж нэг юм багсаар уусгуулаад л дурамжхан бослоо. Бас улбар шар хумсыг тэсэлгүй дээр нь нэг юм наалгуулж арай гэж санаагаа амраалаа. Энэ шар гонзгой нөхрийг байхгүйгээр улбар хумс гэж төсөөлөхөд бэрх үү? Бэрх биз дээ хаха. Аргуу ш дээ.

(Яана аа, цаана нь гэр орон аймар дэлбэрцн байж шүү :Р)

За арай гэж дуусаад баярлалаа гэж хэлээд түрийвчинд бэлэн байсан 10-аа өгөх гэтэл "Уусгалттай будалт 15" гэссс. Өөөө анхнаасаа ганц л үйлдлээр уусгаж 30 минутад дуусч болох байсан юмыг өөрийнхөө ур чадваргүйгээс болж бараг 2 цаг шахуу зууралдчихаад юу ярьдын бэ. Заза өгье гэтэл угаасаа надад илүү 5 ч байгаагүй ш дээ нээрээ. За би өдөр интернет орохоороо шилжүүлье гээд дансыг нь аваад дараагийн ажил руугаа гарч гүйв.

Хөндлөнгийн сэтгэгдэл: Тэр бүр хүмүүсийн будуулаад байдаг өнгө биш тул тод гоё санагдсан бололтой. Анх харсан хүн бүр л ямар гоё хумстай юм бэ? Гэхдээ миний хувцаснууд дунд хар, хөх, цагаан, саарал өнгө зонхилдог учраас хумс маань гоё зохицоод л байсан. Улбар шар ноосон хантааз байдаг, тэрэнтэйгээ нэг хоёр өдөр хослуулж бас гангараад амжсан. Аан бас цагаан сараар өмсөхөөр авсан Бэрс брэндийн хөх цамц маань улбар канттай, тэрэнтэй нь лаг хослоод байгаа юм аа :Р Даан ч бас зураг алга өө хэхэхэ

Гель нь чанартай байсных ч юм уу, уусгах гээд учиргүй олон давхарласных уу мэдэхгүй, маш бат бөх бололтой. Одоо хүртэл байж л байна хаха хэхэ :Р

Ахиж уулзсан хүмүүс хараад: Пэээх одоо хүртэл байсаар байгаа юм уу? Ингэж байгаад байдаг бол будуулаад баймаар юм биш үү? гэсээр л байна даа. Энэ хоёр эрхий хуруун дээр жаахан эмтэрчихсэн. Нэг нь гадны нөлөөтэй, нөгөөг нь би анзаараагүй.

Будуулснаас 6 орчим хоногийн дараа буюу Битүүний өдөр нэг иймэрхүү.

Одоо ч бүр хумсандаа дасч байна дөө. Гэхдээл улбар шар л бол улбар шар шүү дээ хаха уусгахаар өнгө нь бүдэг байх уу? гэдэг асуултыг байнга асууж байх хэрэгтэй юм билээ шүү. Энэ зүүн гарын шар шигтгээ нь жаахан харлачихсан. Баруун гарынх зүгээр байгөө.
Арилгаж үзээгүй хэрнээ хумс маань нээх гэмтсэн юм шиг санагдахгүй л байна. Би хувьдаа энгийн будалтууд хийлгэх гэж байгаа бол энэ газрыг зорьж очоорой гэж зөвлөх байна. Ингээд доорх зурагт найз бид хоёрын хоорондоо ярилцсан хэсгийг дүгнэлт болгож харуулж байна аа.

Туршаад үзэх маникюристуудыг санал болгож болно шүү хөөрхнүүдээ. Ирэх амралтын өдрүүдээр энийг арилгуулаад хумсаа гоё болгохоор төлөвлөж байна аа :D

Tuesday, March 6, 2018

Mören 11:09 PM Нүүр будалт

Лхамур- Утааны эсрэг тосыг хэрэглэж эхлээд 1 сарын дараах сэтгэгдэл

"Уушгиа ч утаанаас аятайхан хамгаалж чадахгүй байхад нүүрний арьсаа хамгаалах нь гэдэг ч арай2". гэх бодол энэ тосны талаар анх мэдэхэд л төрсөн зүйл. Энэ нийтлэлийн зураг маскны сэтгэгдэл бичих гэж байгаа юм шиг санагдаж байгаа байх, анх авсан үедээ авсан зураг нь энэ байлаа гэж.

Манай нэг найз байдаг юм. Арьсандаа ихээхэн анхаарал хандуулдаг, лхамурын бүтээгдэхүүнээс сайн ч хэрэглэдэг нэгэн. Найзуудтайгаа ярьж сууж байгаад төлөвлөгөөгүй хамт хонох болсон тул надад нүүрээ арчлахдаа гэрийн эзний зүйлсээр аргалах шаардлага гарснаар анх энэ тосыг түрхэж байлаа. Уг нь би ч найзындаа хонохоор гарах бүртээ цүнхэндээ унтлагын хувцаснаасаа эхлээд нүүр гарын алчуур хүртэлх гоо сайханд хэрэглэх бүх зүйлсээ авч явж тухтай л хонодог хүн байгаа юм. Гэрийнхэн үргэлж " Пэээээээ... Чи чинь гэрээ нүүлгээд явж байгаа юм уу?" гэдэг юм. Тэр оройдоо ч ингэж тэгэж аргалаад олонхоо дагаж цэвэрлээд олдсон тосоо түрхээд л унтчихсан байх. Яриандаа халсан юм байлгүй яаж цэвэрлэснээ санахгүй л юм. Харин өглөө нь гарахдаа бол энэ тосыг түрхсэнээ мэдээд байна.

Заавар дээрээ нэг удаа түрхэхдээ 2-3 дуслыг хэрэглэнэ гэсэн ид шидийн гэмээр танилцуулга байгаа ч тухайн үедээ 4-5 дусал хэрэглэлээ. Түрхсэний дараа арьс цаанаа л фреш болчих шиг санагдаад явчихсан юм. Өдөржин л тэр тосны гоё сайхныг мэдэрч явсаар ер нь өөрөө авч үзье гэж шийдлээ. /Угаасаа тосоо нэг солиё гэж бодоод бсан нь түлхүү нөлөө үзүүлсэн гэхэд болно./
Савлагааны хувьд жижгэвтэр санагдсан.
Үнийн хувьд боломжийн. 30 гр ийм үнэтэй гэхээр жирийн савлагаатай бусад тоснуудтай харьцуулж үзвэл ер нь дөхөм.
Бүх салбарт адил үнээр /17500 билүү мартжээ хэхэ/ зарагддаг бөгөөд сая нэг онлайн дэлгүүрт 19к гэсэн байхыг харав.
Нэг юм нь савлагаан дээрх лого нь арилчихсан. Тос маань нэг л сайхан санагдаад 2 гарынхаа алганд үрж сууж байгаад нэг харсан алга маань нил саа болсон байдаг байгаа :Р

Заавар дээр зөвлөсний дагуу 2-3 дуслаар хэрэглэх гэж хичээгээд болохгүй юм билээ. Би 5- 6 дуслыг түрхдэг. Бас ч гэж тоог нь багасгах гээд хэрэндээ хичээгээд л спрэй цацаж чийгшүүлчихээд түрхээд байхад л тэр. Яг 1 сарын турш хэрэглэсэн гэхэд одоогийн байдлаар...

... дээрх зурагнаас хэр доошилсон нь мэдэгдэж байна уу? хэхэ

Оройдоо энгийн тос шиг түрхээд хааяа бага зэрэг иллэг хийчихээд орлуугаа мааааршдаг. 1 сар хэрэглэхэд миний сэтгэгдэл буурсангүй, харин хэдэн жил хэрэглэсэн хуучин тосоо тоохоо больсон. Гэртээ хэд хоног амрангаа хуучин тосноосоо түрхээтэхсэн чинь арьс маань онцгүй болох шиг санагдсаан, за тэр ч яахав. Одоо энэ тостой холбоотой дурсамжуудаас хуваалцвал:

1. Эгчийн тос дуусч таарч байв.

Би: Та шинэ тос авч амжихгүй бган бол миний тосноос түрхэж байгаач дээ.
Эгч: Үгүй ээ монгол тоснууд арьсанд шингэхгүй түрхсэний дараа байгаад л бдаг. Онцгүй, ахиж сонирхохгүй. /Ямар ч тос түрхэж үзээд хаширсан юм бүү мэд. "Та зүгээр түрхээд үзээрэй." гээд өнгөрөв./ Дараа өдөр нь би түрхчихээд харууллаа:

Би: Энэ хар л даа дөнгөж сая түрхсэн.
Эгч: "Хөөх нээрээ шингэчихсэн байна ш дээ. Заза маргааш өглөө түрхэж үзнэ ээ тэгвэл." Хальт харахад нь таалагдсан юм шиг бган. Тэгээд түрхсэн юм уу үгүй юм уу мэдэхгүй, төд удалгүй нюскин авчихсан байсан хэхэ.

2. Энэ тосыг түрхээд арьс сайхан болохоос өөрөөр тохиолдсон нэг ач тус нь гэвэл мамондегийн кюүшинтэй холбоотой зүйл байна. Эгч маань сар орчмын өмнө мамондегоос хэдэн нүүр арчилгааны зүйлс авсан бөгөөд бэлгэнд нь ирсэн кюүшин өөрийнх нь арьсны өнгөтэй таараагүйн сацуугаар надад дам бэлэглэсэн билээ. Гэвчиг бэлэгний эд маань арьсыг маань барзайлгаад л, би чинь Т хэлбэрийн тослог арьстай шүү дээ, гэтэл хамар дээрх арьс маань хүртэл холцруутаж харагдаад байсан. Өөөмаагоош, гайхаад найзаасаа асуутал тослог хэсгээрээ сууриндаа праймер түрхэхийг зөвлөлөө. Шинээр худалдаж авсан праймер маань ч нэмэр болоогүй, өөөөх праймер чинь бэйсээсээ илүү үнэтэй хэрнээ миний арьсыг гоё болгохгүй байна ш дээ! Тэгтэл би юуг мэдээгүй байсан бэ гэхээр кюүшин нь дийлэнхдээ тослог арьсанд тохирдог буюу найрлагандаа праймер агуулсан тул сууринд нь праймер түрхэх шаардлагагүй, тиймээс гүн чийгшүүлэгчтэй нүүрний тос түрхэхийг мамондегийн зөвлөх ажилтан тайлбарласан юм. Нэг ёсондоо би нүүрнийхээ тослогийг улам дарчихаад л тослог дардаг пүдер түрхээд байсан байгаа юм. Түүнээс гадна нүүрний тос маань хангалттай чийгшүүлж чадахгүй байгаад байгааг анзаарсан бөгөөд угаасаа нүүрний арьс хөгшрөх тусам хуурайшдаг хуулиа дагаад ер нь л хуурайшилт явагдаад эхэлсэн байсан билээ. Тийм байхад л би шал буруу зүйл хийгээд байдаг. За энэ ч бас яахав. Харин энэ тос миний арьсыг хангалттай чийгшүүлэх шиг болсон. Ингээд би мамондегийн пүдерт зориулж мамондегийн үнэтэй тосыг авалгүй, арай боломжийн сонголтоор хүссэн пүдерээ нүүрэндээ маш гоё шингээдэг болсон юм даа.

3. Ган гачиг нүүрлэчихсэн юм шиг хуурай арьстай найз маань бас кюүшин түрхэж байгаа сургаар нь уухайн тас энэ тосоо зөвлөөд авахуулчихсан. Айхтар үнэтэй биш тул шууд авчихаж байна лээ хаха :Р Худалдагч нь "Утааны эсрэг тос"-оо суурь тос учир дараа нь өөрийн тосоо түрхээрэй гэж хэлсэн. Би ч тэгэж түрхдэггүй л дээ, олон юм давхарлаж түрхэх нэг л сонин санагдаад байдаг юм. Найз маань хэрэглээд 2 долоо хоног болж байх шиг байна. Түүний сэтгэгдлийг мөн асуухад хэрхэн хариулсныг доорх зургаар харуулъя:

Өөөө нээрээ, УИД-т байсан Лхамур, Гоо брэндийн худалдааны зөвлөхүүд дандаа эрэгтэйчүүд байсан. Ёооё эмэгтэй хүний арьс арчилгааг надаас илүү мэдээд байгаан бишүүүү хохо

4.Шведэд амьдардаг эгч маань саяхан Сар шинийн баяраар нутагтаа ирээд буцахдаа манайд нэг хоносон юм. Би ч эгчтэй буу халангаа нүүрнийхээ оройн арчилгааг хийж байв. Хүүе эгч, монгол ёстой гоё хөгжсөн байгаа биз дээ гэж ярингаа "Энэ монгол тос ш дээ." гээд үзүүлэв. Эгч ч брэнд нэрийг нь сонирхон асуунгаа нэг түрхэж үзэхээр болов. Тосоо рекламдахдаа биш гадаадад байдаг юм болохоор нь эгчдээ монгол бүтээгдэхүүнээ л танилцуулах зорилготой үзүүлсэн хэрэг. Тэгэнгээ "Харин нүүрний тос гэхэд шингэн сонин бга биз." Гэхэд өөдөөс "Өө тэнд чинь байгалийн натурал бүтээгдэхүүнүүд гэхээрээ дандаа л ийм шингэн, жижиг2 савлагаатай юмнууд байдаг ш дээ." гэж хэлсэн нь миний сэтгэлийг амраах шиг л болсон хихи.

Ингээд нийтлэлийн эцэст энэ тосыг санал болгох уу? гэвэл мэдээж хэрэг "Тийм"

Эх орныхоо үйлдвэрлэлийг дэмжсэн ч тэр, байгалийн цэвэр бүтээгдэхүүний хувьд ч тэр хэрэглээд үзэхэд боломжийн л санагдлаа. Аан нэг юм нэмж хэлэхэд, үнэр нь лаааг гоё ;)

Түүнчлэн Лхамурын уруулын тосыг удаан хугацаанд хэрэглэж байгаа бөгөөд нүүрний тос нь мөн таалагдсан тул савангийн цуглуулгыг нь ч мөн авсан байгаа. Удахгүй нийтлэл оруулна аа.

Tuesday, December 19, 2017

Mören 12:25 AM Хоолны жор

Тасарцн пицца хийсэн минь

Би өдөр тутмын нийгмийн харилцаанд орохдоо дэл сул хэрэглэдэг ч блогтоо аль болох бичихгүй байхыг оролддог билээ. Энэ удаад яахын аргагүй төрсөн сэтгэгдлээ ингэж л илэрхийлмээр байна хэхэ

Emart-ын шинэ пиццаг идэж үзсэнээс хойш холимог, хонь үхрийн татсан махтай зэрэг пиццанд дурладаг байсан үе өнгөрч тахианы мах, бибикюүтэй пиццанд их дурлах болсон хэхэ. Тэгээд өнгөрсөн амралтын өдрүүдээр хийж үзэв аа. Мэдээж хэрэг байнга пицца хийгээд байдаггүй болохоор суурь гурилны орцоо байнга мартчихна, тэгээд хийх бүртээ өөрөөр туршдаг. Харин өнгөрсөн удаад хамгийн тасархай жорыг оллоо. Маш гоё зөөлөн болдог хэрнээ ингээд пицца хийж ид гэж байгаа юм шиг хөөдөг, урьд нь зуурсан пиццаны гуриландаа өндөг хийхгүй бол туковкноос цагаан ирмэгтэй пицца гарч ирдэг байсан, харин энэ жороор өндөггүй хэрнээ сайхан шаргал хүрээтэй пицца гарч ирсэн ккк. Бүр пиццаны газруудын хонон өнжин барин исгэж, хөөлгөдөг гурилнаас нь ялгагдахааргүй л гээд бод. Тиймээс "highly recommended" буюу "заавал туршаад үзээрэй" гэх байна.

Би пицца хийж байгаа хүмүүст гурилан дээр ногоо махаа нимгэн дэвсээд өгөөч ээ гэж байнга үглэдэг хэрэг хаха. Зарим хүмүүс тэр хэсгээ дэвсэхдээ, 1 зүсэм пиццанд бараг 1 аяга хоол ноогдуулж идэх юм шиг их мах ногоо цацчихаад байдаг. Тэгэхээр ямар ч бяслаг амтагдахгүй, ямар ч бяслаг болон томато сүмсний хосолсон сайхан амт мэдрэгдэхгүй, онцгүй пицца болдог, пицца гэхэд ч гэцүү2. Бас нэг чухал зүйл нь орц найрлагаас илүү сүмс буюу томат нь гэж боддог. Энгийн лаазтай, хямд томатнууд пиццаны амтыг тийм ч гоё гаргаж өгдөг гэж боддоггүй. Харин энэ Emart-д зардаг "помодоро" гэсэн бичигтэй соуст бүр дурлаад байгаа. Миний хувьд мөөггүй пицца иднэ гэдэг ямар ч кремгүй бялуу буюу аргасан кекс идэхтэй адил санагддаг боловч энэ удаа манай гэрийнхэн мөөг авахаа мартсан байсан ч шидэт помодорогийнхаа ачаар аврагдсан юм. Тийм ч их мөөггүй хэрнээ, ерөнхий амт нь байсан шүү. Ер нь боломжийн.

За тэгээд тасарцн пиццаны гурил бэлдэх жороо хүргэж байна:

7 гр хөөлгөгч буюу нэг жижиг савлагаатай хөөлгөгчний талыг нь хийчихсэн, уг нь 12 гр байдаг юм билээ
Тал цайны халбага элсэн чихэр
1,5 аяга бүлээн ус
1 цайны халбага давс
2 хоолны халбага тос
3,3 аяга гурил

10тын бутархайгаар жороо бичсэнд уучилна биз дээ, ташуу зураас гаргах завдал байсангүй эххэхэ

Хийх дараалал нь:

Гурил зуурдаг савандаа бүлээн усаа хийж хөөлгөгч, элсэн чихрээ хийж 10 минут байлгана.
Дараа нь тос, давсаа нэмж бэлдсэн гурилын талыг нь хийж хутгана. Ингэхэд шингэн зуурмаг шиг болж байсан ба сайтар задарсных нь дараагаар үлдсэн талыг нэмсэн. Хэтэрхий шингэн буюу шарвингийн зуурмаг шиг байгаад байвал бага зэрэг гурил нэмж болно. За тэгээд гампанзыг юу гэдэг юм бэ дээ, гурилын модон дээрээ хуурай гурилыг хайр найргүй цацаж байгаад зуурсан гурилаа савнаас нь унагаж тавиад цацсан хуурай гурилынхаа тусламжтай бага зэрэг нухаж байгаад гарт наалдахгүй болмогц нь таглаад 1 цаг хөөлгөнө. Өвөл бол би пааран дээрээ л тавьчихдаг юм. Бас 10 жилд байхад, технологийн багш маань гялгар уутанд хийж хөөлгөхийг зөвлөж байснаас хойш би тэгээд сурчихсан хэхэ. Түмпэндээ хөөлгөсөн ч болно доо. Яахав таг олдохгүй байвал хэрэглэж болох л арга юм.
1 цаг өнгөрсний дараагаар зуурмагаа сайхан нухаж, 2 хэсэг хуваахад 1 хэсэг нь энгийн туковкны 1 листийг дүүргэж хүрэхүйц хэмжээнд болдог хэхэ би орцоо эхнээс нь 2 дахин их бэлдээд, 2 дахиж зуурмагаа зуурчихаад 4 лист пицца болгосон. За тэр ч яахав...
Тэгээд гурилан дээрээ нөгөө шидэт помодорогоо дэвсээд дээрээс нь ёстой сонгиноо цацна уу, сонгинод дургүй нь шууд татсан махаа тавина уу, чанасан тахианы цээжээ дэвсэнэ үү, тал талаар нь хийнэ үү таны л мэдэх хэрэг. Бяслагийг бол энд тэнд нь дэвсэж болоод байх шиг байгаа юм харин би хамгийн сүүлд нь хучих дуртай. Дээрээс нь бибикюү соусаа дусаагаад л 15 минут цан царааан. Болсон эсэхт нь итгэлгүй байвал экстра 5 минут минут гээд л бодчих, плеткээ унтрааж байгаад хөртөл нь байлгасан ч болох бизээ.

5- 7 минут болоод 2 листнийхаа байрыг нь сольдог. Бялуу хийхээс ялгаатай нь энэ их амар шүү, пицца маань түүхийрчихнэ гэж санаа зовох юмгүй. Нэг зургаа бас давтаад оруулчихлаа, гэрт зөндөө хүмүүс байсан болохоор зураг дарахын завдалгүй лист хоосорсон болмой.

Бяслагны талаар нэг зүйл нэмж хэлэхэд энэ пиццагаа моцарелла бяслагаар хийсэн. Урьд нь гоуда мэтийн тод амттай бяслагт их дуртай байсан. Харин моцарелла хажууд нь хатуухан масло ч юм шиг амтгүй санагдсан ч яг пиццагаа болсны дараа амсахад бас ч аятайхан амт угтана лээ.

Эцсийн үг нь амжилт хүсье гэх байна даа. Няаамм няммм

Tuesday, November 7, 2017

Mören 2:31 PM

How I use mint leaves for my beauty

Mint is one of those fast growing plants. First few days, it seems like little bit slow growing and you only can smell but just to know they have large leaves and you can't spend all by drinking them even made some propagating.

Минт нь маш хурдан ургадаг эмийн ургамал тул жижиг үрсэлгээнээс нь эхэлж ургуулвал илүү сонирхолтой байдаг. Эхэндээ дөнгөж үнэртэх төдийд л мэдрэх бол нэг л мэдэхэд өдөр бүр ус цайндаа хийж уугаад байсан ч дуусахгүй их навч ургасан байх болно

Sunday, September 10, 2017

Mören 3:57 PM

What to wear in September

Cool 😎 season is coming! wanna cup of hot drinks? I know you are waiting to wear soft sweaters 😉 yeah~~ this surely is "sweater weater".

I did my first capsule wardrobe for this September. The main feature is that the clothes and accessories included in this project are all from Mongolian brands. First of all I should remind you it is not any marketing or PR for them but these brands are those I just would like to recommend by the side of a beginner fashion blogger. It was also the first time I used Adobe Photoshop CS6 and learnt lot of things.

This time, my business was not prices or quality but I tried to introduce you only brands. Here are the lists:

Leather Jacket- Mongol Shevro:

http://www.mongolshevro.mn/
https://www.facebook.com/mongolshevrojsc/

Coat- Urangoo Ider:

http://www.urangooider.com/?page_id=6998
https://www.facebook.com/mongolshevro.mn

Shirts- Nandin:

https://www.facebook.com/nandinclothing/

Kimono- Michel & Amazonka:

http://michelamazonka.com/
https://www.facebook.com/MichelAmazonka/

Blouses- Urban Jeans:

https://www.facebook.com/urban.jeans.mongolia/

Sweater-Deer brand:

https://www.facebook.com/DEERBrandteam/

I loved this kimono and coat more than others :3 also like jackets of Mongol Shevro than other leather brands. I think blouse is one of the required tops in our wardrobe. I searched blouses from mongolian brands for a long time and found one but there wasn't good photos. Then these two blouses are from one brand but white one looks more national.

Here are list for bottoms and shoes:

Urban jeans- Peg pants and skinny jeans

https://www.facebook.com/DEERBrandteam/

MJB- Pencil skirt

https://www.facebook.com/mjbmongolia/

Monti- Tights

https://www.facebook.com/monti.mn/

MJB- Leather loafers

https://www.facebook.com/mjbmongolia/

Oogii- High heels

http://www.oogii.com.au/
https://www.facebook.com/oogii.com.au

Khaitan- Boots

https://www.facebook.com/khaitan.gutlin.uildver/

I always been loving like riding boots and loafers can be the "hero" for your feet :3 for the high heels, this one is suitable with formal clothes and even I can wear it with that white peg pants. I will buy it someday :P

In addition, I did't try to create as possible as lot of mixes by these clothes. These are just samples. My following projects must have more quality ✌✌✌

This is the last list for accessories:

Exclusive- Beanie hat

https://www.facebook.com/exclusive.mn/

Baigal- Earrings

https://baigalhouse.com/
https://www.facebook.com/baigalhouse

Michel & Amazonka- Eco bag

http://michelamazonka.com/
https://www.facebook.com/MichelAmazonka/

Uuruuruu- Khangarid rucksack

https://www.facebook.com/uuruuruuu/

Agaar- Shoulder bag

https://www.facebook.com/AGAAR-854019194719099/

Husug- Ultrabook case

https://www.facebook.com/Husug.brand/

Ovis- Notebook bag

https://www.facebook.com/OVIStheCraftStudio/

Nomadd- Smartphone silicone and wooden cases

https://www.facebook.com/nomaddmn/

White Comma- Clutch

https://www.facebook.com/whitecommaub/

My most favorite accessories are earrings, clutch and that black rucksack. I think they can be unique, specially these khangarid patterns look awesome :3 Khangarid /Khan garuda/ is Mongolian national legendary bird and it is our capital symbol. That earrings shape is ancient mongolian queen's hair which express also the wings of khangarid.

Now let's see the main capsule wardrobe. They are 7 different collages which are formal and freestyle. The dominant color is black and soft blue. In fact, I do like blue colored things not that much. My goal was to collect clothes of different types, there are different samples of boots, bottoms and accessories. I will try to create all possible collages for my collected clothes xoxo thank you for your attention!

Have a nice weekend :D

Thursday, August 24, 2017

Mören 1:03 AM Нүүр будалт

Metal and violet lip makeup without any lipstick

It's true that I used no lipsticks anymore ;)

Here is the list of products I used:

EOS Balsam- any type of balsams
Tony Moly- Gel Eyeliner (there are two main colors violet and black, mine is certainly violet)
The Body Shop- Honey Bronze Highlighter (there are 3 types for this product, mine is
and glitter or bronze liquid eyeliner from anybrand!
+lip brush ;)

gel eyeliners=> (product name is pearl black gel liner) but it's always violet for me haha

these are the highlighters, mine is the last one ;)

Balsam is not only base for lip makeup, it protects our lovely lips from a lot of disasters. I recommend that always use it! even for no makeup day... use an oil control paper to prepare your lips for makeup
First, I began to draw some fixing border for my lips, used Tony Moly gel eyeliner. For my lips, drawing over V lined border makes my lips false then I only draw by fixing some arcs.
Now, it's lip brush time! gently put your lip brush into the gel eyeliner, otherwise you will get coal color :P and create little bit ombre
This time, use your honey bronze highlighter to soften the dark violet color of gel eyeliner . Do not forget to clean top of your highlighter, because next time it may mess up your makeup at the end of everything.
When you bring some glitter into your makeup, gently touch your lips with ring finger because the movement of this finger is smooth for your face. Put on it only the little side where you want to make your lips shine.
After all, it will be finished after using some concealer around your lips even there isn't any messy things. This step makes the look more gorgeous.

Good Luck! try and share it. All these products are available in Mongolia.

Here is all tutorials in mongolian.

+choker I wore on this picture is handmade by me :3 I love it very very very much he he~~~

follow me on:

instagram- https://www.instagram.com/jamtime_mgl/

facebook- https://www.facebook.com/jamtime.official/

pinterest- https://www.pinterest.com/muuluu/ <= this is my personal pinterest account

!!HINTS!! => used effects for the photos => #retrolux for snapseed (top of post) and #clarendon for instagram

thanks for reading my first post I have made everything by me, from the beginning till here and sorry for bad experiment of photoshop + also bad writing skill xuxu ^^ I promise to be better..

this is the real one I took with front camera of samsung galaxy S5 neo

Monday, June 12, 2017

Mören 11:01 PM #newideas

Картон цаасаар гоёл чимэглэлийн тавиур хийлээ

Зуны амралт эхэлснийх өдөр хоногийг бага ч гэсэн үр дүнтэй өнгөрөөхөөр сэтгэл шулуудан ганц косметикний цүнх, энд тэндэхийн шүүгээний булан бас толины ард тараасюн хадгалдаг эмх замбараагүй гоо сайхны юмнуудаа эмхлэх ажил эхнийх нь байлаа. Дараа нь гоёл чимэглэлээ эмхэлнэ ээ.

Шүүгээ савныхаа зургийг аваад яахав гээд ийм зураг орууллаа.

Эхлээд деталиудаа яаж хуваах тал дээр жаал толгойгоо гашилгаж байгаад их биеийг нь босгосон.

Дараа нь ирмэгүүдийг нь барилгын цаасан скотчоор дарсан байгаа. Цаасан скотч нь энгийн скотчийг бодвол зөөлөн тул булангийн хэсгийг их цэвэрхэн гаргаж өгдөг.

Дараа нь гадаргууг нь жинсэн материалаар бүрэх тул цагаан ба бага зэрэг цэнхэр өнгийн гуашийг хольж дотор талыг нь будаж сайтар хатаасны дараа тараган цавуу ашиглан жинсээрээ бүрлээ.

Яг ийм гоёл чимэглэлийн тавиуртай болмоор байвал энд дарж манай ивэнтэд хамрагдаарай.
Бэлэн болсны дараах бичлэг.